منتديات مملكة كمال الاجسام

منتديات مملكة كمال الاجسام
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 فوائد المياة للاعب كمال الاجسام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آلكـآبتـن
Admin


المساهمات : 12
تاريخ التسجيل : 01/10/2011

مُساهمةموضوع: فوائد المياة للاعب كمال الاجسام    السبت أكتوبر 01, 2011 1:51 am




فوائد المياة للاعب كمال الاجسام


بسأل احد اعضاء المنتدى سؤال فيقول
(((للمياة سبعة او اكتر فوائد ممكن اعرف ماهى فوائد المياة ؟؟؟؟؟؟؟؟؟؟؟))))
يجاوب عليه الكابتن اسلام حسن باستفاضه فى المقال التالى

بص حضرتك هيا مش حكاية 7 ولا 8 ولا 10 فوائد دى مش حاجة رقمية

حشرح لحضرتك فوائد الماء بحجتين

الشىء الاول ( بعض الحقائق الطبيعية عن الماء ذات نفسه )

نسيبنا من جسم الانسان عندك الكرة الارضية نفسها 70% من مساحتها مية لقو برضو ان حوالى 70% من مكونات جسم الانسان الداخلية ماء .

الماء حاجة ضرورية عشان تخليك عايش فكر تقطف وردة من حديقة حتعمل ايه عشان تحتفظ بيها

حتحطها فى اناء ماء صح ؟ طب شيل الماء عنها حيحصلها ايه حتدبل وتموت صح ؟

برضو
الانسان كده جميع الخليا الى بيتكون منها عيشة فى وضعية سائلة لو جفت
المياه دى الاعضاء دى تنشف ومتقمش بوظائفها فتلاقى الانسان يموت

تعالى
نبص كده ايه المشاكل الصحية الى ممكن تقابلك من نقص نسبة الماء بجسمك (
عطش متزايد - دوخة - زغللة بالعين - عدم الاتزان - جفاف الفم - وجفاف
الجيوب الانفية -انخفاض ضغط الدم - ارتفاع درجة حرارة الجسم - وقوف القلب
عن العمل والوفاة لقدر الله وده لعد الاتزان الكهربى داخل الجسم الى بسببه
تاثر على المخ ومن ثم على القلب )

قبل مننقل على الشىء التانى حابب اقول بعض الحجات

اول شىء الموصى به من تناول الماء للشخص العادى لابقائه فى صحة متزنة هو 2 لتر من الماء

وتزداد
تلك النسبة مع زيادة الجهد الى يبذله الشخص لان الجهد ذى مبيعمل ايض ( حرق
) للسعرات الحرارية برضو بيادى لفقد السوائل ( الماء ) الى من امثلة الفقد
ده العرق

تناولك للمشروبات المحتوية على الكافين يقلل من كمية الماء بجسمك لان الكافيين ليه دور فى اضرار البول ( فقد الماء عن طريق التبول )

كمية
الماء الى بتشربها ممكن تغير من شكلها يعنى بدل متشرب 2 لتر ماء صافى اشرب
جزء منهم بعصير مثلا برضو تناولك للفاكهة فيها ماء برضو يخش تحت نطاق نسبة
حصولك على الماء ايضا الخضر والاهم الطاظة ( اشمعنه الطاظة ؟ اقولك فاكر
مثال الوردة الى قلتهولك فى الاول )

الشىء او الشق الثانى الماء اهميتها ايه من نحيتى انا لاعب كمال اجسام :

-دلوقتى
طلاما احنا حنتمرن معنا كده حنفقد ماء اثناء التمرين فحنا محتاجين كمية
ماء اكبر من ال 2 لتر بتوع الانسان العادى ولو بناخد حجات فيها كافين فحنا
عيزين ماء اكتر فبكده نسبتنا للماء حتتغير مابين 3-6 لتر ماء وده حسب تكيف
حضرتك واستهلاكك .

- بتساعد الماء فى ان الجسم يتخلص من السموم
والفضلات الناتجة عن العمليات الايضية بالجسم كمان واحنا لعيبة كمال اجسام
بنحتاج كمية بروتين عاليا لما بيحصل للبروتين ايض بيسيب فضلات تاثر على
الكلى ( اليوريا ) شرب الماء الكثير حيخلصنى من اليوريا دى تعالى كده نشوف
الناس الى بتاخد واى بروتين وامينو كتير ونسبة تناولهم للماء قليلة
وبيتناولو مشروبات كافين لازم تلاقى اليوريا عندهم نسبتها عالية وارد جدا
كمان يجلهم حصوى فى الكلى .

- بيساعد الماء كمان فى حرق ( ايض ) الدهون طبعا فى ناس ممكن تستغرب من الموضوع ده

بس
حقلك بيجى اذاى دلوقتى الى بيعمل ايض للدهون المختزنة مين ( الكبد ) لو
نسبة الماء قلة الكلى مش حتشتغل كويس تقوم بعض وظائف الكلى سعتها تروح
تشتغل على الكبد فا الكبد بدال ما كان حيعمل ايض لا ده حيعمل ايض ويخرج
سموم فيقل نشاطه فى ايض الدهون فيقل حرق الدهون فبكده احنا نشرب مية كتير
عشان الكلى تقوم بوظائفها وتسمح للكبد ايضا يقوم بوظائفه .

- تعالى شوف الاغرب بقا من الى سبقتها وهو ان شرب الماء الكتير يقلل عندك احتجاز الماء فى جسمك .

الشائع عندنا وانت بتتمرن يقلك متشربش ماء كتير فى التمرين عشان الكرش واتمرن جامد واعرق جامد عشان تطلع الماء ده

ايه
هو الى بيحجز الماء جوا الجسم ؟ هو ارتفاع نسبة الصوديوم ( الملح ) بالجسم
الى بتخلى الجسم يسحب مياه اكتر ويخزنها عشان يقلل من تركيز الملح ده فى
الجسم فتبص تلاقى البطن والوش منفوخين لاكن لو بتشرب ماء كتير حيساهم فى
تقليل تركيز الملح ده اكتر ولما يقل التركيز حيقل حبس الماء ومعنى انه يقل
يعنى انت حتفقد الماء المختزن بالماء الى حتشربه

الحل التانى فى الحالة دى الى هو تقليل الملح ذات نفسه المتناول .

-
الماء ذى مقلت قبل كده ضرورى جدا لخلايا الجسم فنسبته لما تكون عالية
بتخلى الجسم شغله يكون متوازن داخليا لاكن لو قل ايه حيحصل اول ما الماء
يبتدى يقل الجسم ياخد انظار يروح ساحب مية من الاعضاء لو سحب ماء من الكلى
الكلى مش حتقوم بوظائفها كويس
لو سحب ماء فى صورة ابسط مثلا من القولون
تبص تلاقى نفسك جالك امساك عشان لو القولون مفهوش ماء كافى حيكون هضم
الاكل سىء فيحصل امساك

النقطة دى تخدنا لفايدتين جداد وهما :

انى لازم اشرب مية كتير عشان يبقا فى سهولة بالهضم وبالتالى امتصاص افضل للكل

ان
الماء لو قل والجسم سحبه من الخلية ونعتبر من البلاما بتاعة العضلات حيبقا
نمو العضلات اضعف لاكن لما اشرب ماء كتير والخلية ( البلاما ) دى اساس
عيشتها الماء فمعنى كده انى بدى للعضلة بيئة اصلح للنمو يسلام بقا مع
الكرياتين واحنا عرفين ان الكرياتين بيسحب ماء من الجسم يوديه للخلية
العضلية وعرفين ان العضلات اكتر من ثلثها او ثلاث اربعها ماء ووجود الماء
للخلية يخليها فى ظروف افضل للنمو ( وللاسف الناس هنا زعلانة عشان
الكرياتين بيحبس ماء ههههههههه) شوفتو بقا حبس الماء بتاع الكرياتين يفرق
اذاى عن بتاع الملح هنا بيسحب مية عشان يشتغل احسن ( الكرياتين ) وهنا
بيحبس مية عشان يقلل الملوحة قبل ميفكر يساعد فى نمو العضلات .

برضو
تبص تلاقى كثير من الفيتمينات يقال عليها تذوب فى الماء معنا كده ان الماء
ضرورى ليها عشان بواستطه حتنقل لخلايا الجسم عشان يستفيد منها .


دى صورة مبسطة وباسلوب سهل الفهم عشان نبين اهمية الماء
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mmka.yoo7.com
 
فوائد المياة للاعب كمال الاجسام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مملكة كمال الاجسام :: منتدى التغذيـه :: منتدى التغذية العام-
انتقل الى: